Повеќевековниот мит дека истополната љубов е грев наскоро веројатно ќе биде прекинат и тоа благодарение на една необична книга која за брзо време ќе се најде во продажба...

"Queen James Bible" е нов вид на Библија во која се наоѓаат осум реинтерпретирани текстови од шест книги, меѓу кои се Книгата за настанокот и Левитскиот законик. Таа всушност ја претставува новата интерпретација на Светата книга на христијанството која ги "вооружува" геј христијаните во борбата против хомофобите, пренесува Huffington Post.

"Хомосексуалноста не се споменува во Библијата се до верзијата која е издадена 1946 година. Сакавме да ја спречиме хомофобијата која се шири низ светот во име на Бога. Не можете да ја изберете својата сексуалност, но можете верата и Исус. Сега можете да ја изберете и Библијата која сакате да ја читате", порачуваат авторите на книгата.

Со неа, како што тврдат авторите, конечно ќе се стави крај  на оние кои тврдат дека "Бог ги мрази геј луѓето".  Исто така, авторите нагласуваат дека својата намера да создадат Библија која ќе ги заштити геј христијаните од напад на христијанските хомофоби и успеале и повеќе од очекуваното. Сите оние кои сакаат примерок од оваа книга, за тоа мора да издвојат 35.