Повеќето луѓе имаат потреба од околу половина час за да се разсонат наутро, покажа новото истражување на британски научници...

Кога ќе заѕвони будилникот луѓето имаат тенденција да останат под прекривката од прилика уште 14 минути. Но, за да се разбудат целосно им се потребни 36 минути, покажува истражувањето.

Двајца од тројца испитаници велат дека можат да заспијат повторно, откако ќе им заѕвони часовникот наутро. 73% велат дека звукот на птици кои црцорат или кукурикањето на петел ги тераат да се будат во весело расположение.

Другите најпријатни звуци за будење се звукот на брановите, ветерот, пијано, оркестрова симфонија и конечно црковна камбана.

Анкетата покажа уште дека повеќето луѓе спијат во просек за еден час помалку во декември, додека во трите зимски месеци 60% спијат повеќе отколку во лето.
Помалку од една четвртина (23%) се жалат дека страдаат од постојан недостаток на сон. Независно од сезоната тие имаат желба да спијат подолго.