Очаен татко ја повикал полицијата затоа што останал сам со децата кои не престанувале да плачат.
Неименуван Германец стар 31 година останал сам дома со петмесечните близнаци и двегодишната ќерка. Децата добиле колективен напад на плачење, и по неколку часа избезумениот татко ја повикал полицијата во баварскиот град Вајден.
Полицајците го сослушале, и се обиделе да му дадат неколку совети, но одбиле да дојдат и лично да му помогнат, пишува локалниот печат.
Таткото изјавил дека бил целосно очаен и дека полицијата ја повикал затоа што мајката на трите деца била недостапна.
