Гените се виновни што некои адолесценти се посклони кон алкохолот од останатите, утврдиле професионалците од Лондонскиот институт за психијатрија, при Кингс колеџот.

Тие утврдиле дека генот RASGRF-2 е од клучна важност за тоа колку алкохолот го стимулира мозокот да ослободува допамин, создавајќи чувство на „награденост“.

Доколку имаат извесна варијатна на тој ген, адолесцентите ќе чувствуваат поголемо задоволство конзумирајќи алкохол, па затоа повеќе и ќе го пијат и ќе бидат посклони да станат алкохоличари, објаснуваат британските професионалци.

Не само алкохолот, туку и други адиктивни опојни средства, го активираат допаминот кој создава чувство на задоволство.

Истражувањето е спроведено на 663 четиринаесет годишници, кои биле подложени на скенирање на мозокот. Утврдено е дека кај оние, кои имаат одредена варијација на генот RASGRF-2, кога очекуваат награда за извесен тест на ментална способност се јавува поинтензивна активност во таканаречениот „вентрално тегментален“ дел од мозокот (VTA), кој е вклучен во ослободување на допамин.

Две години подоцна, кога испитаниците имале 16 години, професионалците од споменатиот институт утврдиле дека тие со варијација на генот RASGRF-2 пиеле почесто отколку другите.