Вашето дете е четврто одделение, а вие веќе не умеете да му помогнете во решавањето на задачи по математика? Не очајувајте, не сте единствени. Секоја четврта возрасна личност има математички вештини на ниво на просечно дете од девет години.

А како стоите со читање на сметката за струја? Цената на која треба сами да го додадете данокот? А колку чини нешто намалено за 25 проценти?

Дури четвртина од човечката популација во наведените ситуации тешко се снаоѓа, како и со разбирањето на некои едноставни математички операции, покажа истражувањето на британските научници.

Тие утврдиле дека повеќе од осум милиони возрасни луѓе во Англија не се во состојба да совладаат ни четири основни математички операции. Нивните математички операции се на ниво на ученик од седум до девет години.

Многу загрижува податокот дека такви личности има се повеќе - дури милион во однос на пред десет години.