Добро, не гори навистина, но да гореше, не би имало кој да го изгаси.

Шефот на пожарната служба во кинескиот град Јилианг добил отказ затоа што ја „мобилирал“ целата служба за својата свадба.

Ши Ван им наредил на своите колеги да извезат три пожарни камиони, како и три други службени возила, и да учествуваат во „парадата“ по повод неговото венчавање.

За да ги импресионира гостите, им приредил забавен програм - неговите колеги морале по паркингот да возат за веселите гости во пожарни автомобили, со сирени и со светла. Овие не се бунеле, затоа што им „одговарало“ да одморат еден ден без работа.

Се би поминало незабележано ако фотографиите од „жестоката“ свадба не се појавиле во локалните медиуми. Надлежните веднаш го отпуштиле младоженецот.

„Речиси сите расположиви сили на пожарната служба беа искористени за венчавката. Ако во градот се случеше пожар, се ќе изгореше додека тие се забавувале“, рече извор од канцеларијата на градоначалникот.