За некои во 2013 навистина ќе почне гала - со пиење на најскапиот коктел на светот. Чаша „Плантерсов бисер за елита“ чини 55 евра.

Барот „Плантерс“ во Виена на 7 јануари на гостите ќе им го понуди најскапиот коктел на светот. „Плантерсов бисер за елита“ се прави од вотка и шампањско, по цена од 55 евра.

И не само што е скап, туку тој пијалок е редок и со оглед на тоа што се направени само 25 чаши од овој коктел.

Оние кои ќе решат да се почестат, освен што ќе уживаат во пијалокот, дома ќе ја однесат и чашата од која пиеле, а станува збор за кристал декориран со златни апликации.

Ако се прашувате зошто овој коктел е толку скап, одговорот лежи во една негова состојка - вотката од марка „Столичнаја“, за чие производство се користи вода од ледот од Хималаите. Едно шише од тој пијалок е 3.000 евра, а годишно на пазарот излегуваат само по 300 шишиња.

И на крај, но најзначајно, податокот кој на цела оваа неверојатна акција и дава смисла - дел од приходот од најскапиот коктел виенскиот бар го наменил за една организација за заштита на животната средина.