Италијанците се горди - рекордот за најголема пица се врати во земјата од која и потекнува. Џиновската пица со дијаметар од 39,6 метри е направена во Рим, со вештините на петмина врвни кувари и пекари...

Тестото морало да биде печено во дури 5 234 одделни зафати во текот на 48 часа, а за изработка е искористено девет тона брашно, четири тона сос од домати, осум тона моцарела и уште многу други работи.

Компанијата "Dr. Shar", која ја направи пицата, ја нарече Отавија, по римскиот цар Августин.

"Сакавме да и го дадеме името по првиот римски цар, за да симболизира надеж и напредок", рекол куварот Довилио Нарди. Претходниот рекорд е поставен во Јужна Африка, а џиновскиот специјалитет, испечен 1990 година имал пречник од "само" 37 метри.

Пицата по официјалното прогласување за рекорд, е исечена и изедена, а најголемиот дел отишол во јавните кујни во Рим.