Тренерите во еден руски циркус тврдат дека два слона успаеле да ги спасат од сибирската зима така што ги "напиле" со водка...

Приколката во која се наоѓале слоновите од непознати причини се запалила, а чуварите биле принудени животните да ги држат на ладно додека не стаса новата приколка. Со оглед дека слоновите не сакаат зима, а темепратурата била околу 40 степени под нулата, еден од тренерите се досетил...

"Немавме друго решение освен да се обидеме. Така на слоновите кои се стари 45 и 48 години им дадовме десет литри водка растворена во топла вода. На тој начин успеавме да им ги спасиме животите. Откако ги испијаа "коктелите" слоновите почнаа да се огласуваат како да се наоѓаат сред некоја афричка ливада", тврди неименуваниот тренер.

Иако научниците велат дека алкохолот на луѓето им дава привид на топлина а всушност ја намалува температурата на телото, директорот на зоолошката градина вели дека водката ги спасила животните од смрзнување и воспаление на дишните патишта.