Вреден сопруг сакал да ја изненади својата сопруга, па решил наместо неа да ги изврши домашните работи.

Кога дошло на ред пеглањето на алиштата, телефонот заѕвонил, а несреќникот наместо телефонот, се јавил на пеглата.

Томас Пацковски сакал да се покаже дека може да биде добар маж и да среди некои работи по дома.

„Решив се убаво да испеглам додека таа е на работа, да и докажам дека можам“, почна да раскажува Томас.

Тој отсекогаш им се восхитувал на жените што можат да работат неколку работи во исто време, па затоа ја вклучил пеглата, отворил пиво и гледал бокс утакмица.

„Проблемот беше во тоа што претерано се задлабочив во бокс утакмицата и не обраќав многу внимание на останатото. Кога заѕвони телефонот, ја кренав пеглата по грешка и ја ставив на увото. Таква болка никогаш во животот немам почувствувано“, рече Пацковски.

За работата да биде уште полоша, додека трчал кон бањата за да ја измие изгореницата со вода, тој се „треснал“ во вратата.

„Така сега окото ми е сино и затворено. Изгледам како да учествував во онаа утакмица што ја гледав“, рече несреќниот Полјак.

Докторите му предвиделе брзо опоравување, но забрането му е да работи по дома.