Според неодамнешната јавна анкета, Дедо Мраз можеби оваа година би требало да ја промени бојата на своето одело во сино, затоа што изгледа таа моментално не одговара на неговата политичка определба...

Имено, 44% од Американците сметаат дека добриот Дедо е демократ, додека само 28% сметаат дека е републиканец, пренесува Huffington Post. Останатите 28% паметно одлучиле да не се изјаснат по ова прашање.

И додека повеќето демократи веруваат дека Дедо Мраз ги дели нивните уверувања, дури 22% од републиканците се изјасниле дека сметаат оти човекот кој носи подароци за децата е всушност демократ.

Но, дури 49% од анкетираните Америнакци изјавиле дека на Дедо Мразовата "листа на лоши" ќе се најде Барак Обама, додека 37% мислат дека таму ќе биде Мит Ромни.

Анкетата е спроведена телефонски меѓу 500 регистрирани гласачи.