Децата за Божиќ сакаат пари, наместо подароци, пишува весникот Daily Express, цитирајќи податоци од предбожиќното истражување направено во Велика Британија...

Според анкетата, речиси 2/3 од децата на возраст меѓу 8 и 16 години се задоволни ако добијат пари за Божиќ.

На возраст меѓу 14 и 16 години бројката достигнува до импресивни 85%. Анкетата, која опфатила над 2000 адолесценти и родители, покажува дека повеќето тинејџери сакаат да вршат контрола врз она што им се подарува, наместо да бидат изненадени со невкусна облека или застарена музика.

Во меѓувреме друго истражување посочи дека припадничките на "Нејзиното Височество" би ги поминале среќно празниците, ако добијат божиќен подарок за околу 300 фунти, што претставува половина од неделната заработка на саканиот. Просечната годишна плата на британскиот маж е 30 852 фунти. Британките добиваат во просек 36000 фунти помалку годишно - 24 228 фунти.

Од истражување станало јасно дека кога дамите очекуваат божиќни подароци од партнерот, во нивните глави неизбежно се вртат некакви бројки. А тие обично се вртат околу истата сума - половина од неделната заработка на партнерот.

Британците се двапати поскромни во овој поглед. Тие би сакале нивната сакана да потроши за нив една третина од нејзината неделна плата, што изнесува само 155 фунти. Се разбира, колку поголем е приходот на партнерот, толку растат и барањата.