Ако помирисате екстракт од ванила пред јадење, може да ви се случи да изедете помалку отколку што сте мислиле да изедете! Тоа е затоа што пријатниот мирис им годи на сетилата па немате потреба задоволството да го барате во храната. Еве за што се може да ви послужи вкусната ванила, освен за во кујна...

Мирис за домa
Ако сакате вашиот дом да мириса како свежо печени колачи, а воедно да се ослободите и од непријатниот мирис, направете спреј со неколку капки етерично масло од ванила додадени во чиста вода. Испрскајте низ целата куќа и уживајте во неодоливиот мирис. Ванилата има и антибактериско својство па воздухот во вашиот дом ќе биде и поздрав.

Пилинг кој ја смирува кожата
Антиоксидансите во ванилата ги смируваат иритациите на кожата, и помагаат во чување на кожата од оштетување предизивикани од загадување и токсините во околината.

Направете сами пилинг за кожа: еден лимон исцедете го во сад, отворете пет стапчиња ванила и со помош на лажица извадете ги семките. Додајте ги во лимоновиот сок заедно со три лажици кафеав шеќер и три капки етерично масло од ванила. Состојките имешајте ги добро.

Нанесте го пилингот на лицето избегнувајќи го подрачјето околу очите и усните. Нежно масирајте неколку минути и потоа измијте со топла вода, а на крај и со ладна вода.

Спреј против комарци
Кажете им збогум на средствата за комарци со непријатни мириси. Комарците не можат да го поднесат мирисот на ванила, затоа направете спреј од подеднаква количина екстракт од ванила и вода и испрскајте се по кожата. Вие ќе мирисата прекрасно, а досадните комарци ќе бегаат од вас.