Празничните забави се се поблиску, а со нив доаѓаат и неподносливите мириси дома кои посетителите ги оставаат во становите на своите домаќини. Иако најдобро е да побарате од вашите гости да пушат на балконот, сепак ако сте со меко срце и им дозволите да пушат внатре, ви советуваме да се наоружите со трикови со чија помош ќе се ослободите од непријатната миризба од цигарите...

1.Многу воздух
Секако, овој совет е очигледен, но и преку потребен. Важно е добро да го проветрите станот по, но и за време на самата забава. Немојте да дозволите цела ноќ да не се отвори ниту еден прозор, затоа што чадот ќе се вовлече во завесите, тепихот, столиците а вие подоцна тешко ќе се ослободите од него.

2.Сода бикарбона
Покрај пепелникот добро е да држите мал сад полн со сода бикарбона. Таа го впива непријатниот мирис од цигарите и го спречува неговото ширење.

3.Користете освежувачи
Освежувачите за простор ќе го неутрализираат мирисот од цигарите. Сепак, внимавајте при изборот на мирис и подобро изберете свежи мириси како лаванда, портокал и лимон затоа што слатките мириси како ванила и амбре помешани со чадот од цигари можат да создадат навистина непријатен спој.

4.Мирсни свеќи
Мирисните свеќи исто така го неутрализираат мирисот од цигарите па стратешки поставете ги во близина на местата на кои се пуши.

5.Чистење
По забавата, добро исчистете го станот и избришете ги столиците и подовите со соодветно средство. Нашите баби користеле мешавина од вода и оцет кој наводно го отстранува непријатниот мирис, но ако имате чувствителен желудник внимавајте, затоа што мирисот од оцет може да биде навистина непријатен.