На јапонските манга уметници како инспирација им послужиле светските диктатори кои ги претставиле како жени, а доживотниот претседател на Југославија доби улога на бујна плавуша.
Стрипот „Претворени во жени! Биографии на светските диктатори“, кој го објавила издавачката куќа Ikaros Publications веќе е во продажба ширум светот, а покрај Тито, во стрипот се и Ким Џонг II, Фидел Кастро, Хитлер, Мусолини, Сталин... вкупно 70 личности кои ги обележале диктаторските режими ширум светот.
Тито е претставен како многу млада мајка или дадилка на шест деца, а секое од нив на себе има обележје на државите настанати по распаѓање на Југославија.
Ким Џонг II е претставен како девојка која носи широки зелени панталони и има две долги плетенки, Бенито Мусолини носи црно сако и кратка сукња и изгледа како „палава“ ученичка, Адолф Хитлер нема бркови, но затоа има палета со боја и четкичка - сакал сликарство...
