Емисиите за готвење ги инспирираат мажите се повеќе да се занимаваат со готвење, покажа едно истражување.

Емиисте во кои славни готвачи ги покажуваат своите вештини во подготвување на едноставни, но и покомплицирани оброци, ги инспирираат мажите се повеќе да се заинтересираат за готвење, покажало истражување спроведено во Британија.

Утврдено е дека мажите, инспирирани од „фраерите“ кои готваат на телевизија, како што е Џејми Оливер, се фаќаат за престилката и се обидуваат да се „снајдат“ во кујната.

Митот за мажите кои не влегуваат во кујната оддамна не важи, а третина од нив со изненадување утврдиле дека поминуваат трипати повеќе време отколку што тоа го правеле нивните татковци.

Од 2.000 анкетирани мажи, две третини редовно подготвуваат ручеци за семејството, додека една третина ја сметаат за своја должност да подготват ужинки за децата. Половина од анкетираните попрво парите би ги истрошиле на апарат или опрема за кујната, отколку на таблет или друг уред.

Кујнските алатки по кои мажите најмногу копнеат се силна и брза рерна, како и професионални ножеви.

Анкетата покажала дека и мажите сега имаат „репертоар“ од 11 јадења кои умеат добро да ги подготват.

Речиси сите анкетирани признале дека на „авантура“ во кујната ги инспирирало гледањето на емисии какви што се „Оброците на Џејми Оливер за 15 минути“ и слично.