Најскапото кафе на светот не содржи ниту скапоцен шафран, ниту златни лисја кои се јадата, туку измет од слон...

Кој се заситил од кафето кое се произведува од полусварени зрна собрани од изметот на дивите цибети (азиски животни кои наликуваат на мачки), сега може да уживаат во напитокот кој се прави од измет од слон. Тоа кафе се произведува во планините на северен Тајланд и е најскапото кафе на светот - 1 кг. изнесува 1 100 долари.

Новата егзотична напивка се прави од посебни зрна кафе кои слоновите ги јадат, а ден подоцна тие се собираат од нивниот измет. Во производството сега учествуваат околу 20 слонови.

Кафето од минатиот месец се служи во неколку луксузни хотели во северниот дел на Тајланд, на Малдивите и во Абу Даби, по цена од 50 долари за филџан.

"Кога слонот јаде кафе неговиот стомак го разградува протеинот кој се наоѓа во кафето, што е клучен фактор за горчината", вели Блејк Динкин кој вложил 300 000 долари во развој на производството на оваа единствено кафе.

Динкин вели дека слонот е "бавен кувар" затоа што му требаат од 15 до 30 часа да ги свари зрната кафе, кои му се даваат помешани со банана, шеќерна трска и други состојки, затоа што на тој начин се добива сочен овошен вкус на кафе.