Луѓето треба да бидат поттикнати да озборуваат на работното место, бидејќи тоа им помага за надминување на мрзеливост и ја подобрува ефикасноста во канцеларијата, открија холандски научници...

Тие утврдиле дека девет од десет разговори помеѓу колегите се поврзани со озборувања, но, тие не се нужно злонамерни. Озборувањата се користат за предупредување на колеги, кај кои дури и само заканата од озборување може да бидее доволна да ги натера мързеливците во канцеларија да се активираат, покажа истражувањето на психолози од Универзитетот во Амстердам.

Истражувањето објавено во весникот "Journal of Applied Social Psychology", покажува дека компаниите можат "да имаат корист од озборувањата, поттикнати од позитивни причини", исто како што би можеле да настрадат од малициозни разговори меѓу колеги. Д-р Бјанка Берсма и проф Гербен Ван Клиф кои го спровеле истражувањето, велат дека разграничувајќи ги одделните видови озборувања, компаниите можат "да ги намалат на минимум негативните и да ги оптимизираат позитивните последици".

Тие ги анализирале озборувањата илјадници години наназад и утврдиле дека луѓето почнале да се служат со нив уште кога научиле да зборуваат, како техника за намалување на "слободните јавачи", кои се хранат со мајмутско месо, без да помагаат при фаќањето на животното.

"Зборувањето им овозможува на членовите на една група да се предупредуваат против оние кои не се држат според нормите во групата", пишуваат авторите на студијата. Научниците замолиле 121 студенти на универзитетот да ги анализираат причините за озборување и утврдиле дека иако некои сакале да манипулираат со други, да се забавуваат или да споделуваат информации за заеднички познаник, други користеле озборувања за заштита на групата од штетното однесување на некои членови.

За целите на студијата бил извршен експеримент, во кој учесниците добиле билети од лотарија и биле замолени да одлучат колку ќе задржат и колку ќе дадат на групата. Тие враќале повеќе билети кога знаеле дека дејството ќе им биде разгледано од другите учесници.