Неверојатно, но вистинито. Поради комбинација на вотка и лекови за дијабетес за малку ослепел, а кога дошол во болницата, лекарите му дале да се напие... виски.

Денис Дути (65) од Нов Зеланд за шеесет и петтиот роденден, вели, се напил само неколку голтки вотка и по неколку минути останал без вид.

„Мислев дека ми се смрачи и дека сум го згрешил периодот од денот, иако беше само три попладне“, раскажа Денис на кого сопругата веднаш го однела на лекар.

Докторите заклучиле дека дошло до тровење со формалдехид поради конзумирање на метанол, а за да го спасат им било потребно етанол, друг вид алкохол, од кого во тој момент немало доволно во болницата, па употребиле првокласно виски, кое некој од лекарите го добил како подарок.

„Лошата вотка за малку ме уби, но доброто виски ме врати меѓу живите“, се пофали Денис, но и се пожали дека повеќе не смее ни да помириса алкохол.