За секој кој претерал со пиењето, следното утро е тешко, но што да кажат пушачите кај кои мамурлукот е уште потежок, барем според најновото истражување...

Мамурлукот може да биде уште поужасен ако сте пушач, предупредуваат научниците од Универзитетот "Браун". И тоа не е затоа што пушачите пијат повеќе. Според специјалистите пушењето само по себе го зголемува ризикот од мамурлук и уште понепријатни симптоми како гадење и сува уста.

Цигарите содржат состојка ацеталдехид, кој се излачува во организмот при конзумирањето алкохол и е одговорна за непријатните последици следното утро.

Во истражувањето учествувале 113 студенти кои биле поделени во две групи. Резултатите покажале дека оние кои пиеле без да пушат, се радувале на попријатно утро од своите колеги, зависници од штетната навика.