Околу 600 луѓе се соблекоа во обид да постават нов рекорд во капење голи во море.

Мажи и жени од сите возрасти се собраа на две различни плажи во Нов Зеланд обдиувајќи се да го срушат претходниот рекорд, кој изнесува 413 голи луѓе истовремено.

Но, и покрај нивниот ентузијазам и храброст, и двете групи не успееја да постават нов рекорд.

На Папамоа Бич се појавиле 299 голи пливачи, а на Крисчерч Самнер Бич се појавиле само 226.

Но, и покрај големиот број што го дава збирот на двете групи, овој настан беше сметан како два посебни настани.

Според претставниците на Гинисовата книга на рекорди, за рекордот да биде важечки сите пливачи треба да бидат во водата истовремено за групна фотографија.

Па, се надеваме дека ќе имаат повеќе среќа следниот пат...