По четврти пат по ред Виена е градот кој нуди најдобар квалитет на живот во светот. Ова го покажуваат резултатите од истражувањето за 2012 година на американската консултантска компанија "Mercer", соопштуваат од Бирото за односи со Општина Виена...

На второ место по Виена е Цирих, следен од Окленд, Минхен и Ванкувер. Меѓу водечките европски градови се Дизелдорф, Франкфурт и Женева. Оваа година Мадрид ја изгуби шестата позиција на листата и го зазема 49-то место, кое "Меrсеr" го објаснува со економските тешкотии кои ги преживува Шпанија и честите штрајкови. На последно место на листата повторно е ирачката престолнина Багдад.

Меѓу првите 25 градови од целиот свет, нудејќи најдобри услови за живот, 15 се европски. Општите стандарди на живот во Западна Европа остануваат далеку над просекот, се вели во извештајот на "Mercer".

Во листата се проценува политичката, социјалната и економска клима, здравствената услуга, можностите за образование и квалитетот на јавниот транспорт, електричното и водоснабдувањето во 221 града. Земени се предвид присуството на станови и места за спорт и рекреација, како и квалитетот на јавните услуги и еколошката средина.

На почетокот на листата повторно се градовите од Западна Европа, кои традиционално имаат силни позиции.