Одредени мириси можат да не потсетат на вистинска љубов, некое далечно патување, на некои други луѓе. Меѓутоа, можат да не натераат и да купуваме, повеќе отколку што сме планирале...

Стручњаците од маркетинг Универзитетот од Вашингтон и од швајцарскиот Универизитет "Sent Galen", спровеле истражување со цел да утврдат кој мирис е најпријатен за купувачите во бутиците, шопинг центрите и прехрамбените продавници.

Откриле дека едноставните мириси, кои не комбинираат многу различни состојки, ги привлекуваат купувачите.

За таа цел стотина купувачи во Швајцарија биле изложени на едноставни мириси од портокал и комплексна комбинација од портокал, босилок и зелен чај. Крајната сметка во касата на продавницата покажало дека доаѓа до ненадеен скок на продажбата кога во продавницата доминира мирисот на портокал.

Истото се покажало и при тестот на решавање на задачи со расудување - студентите од Универзитетот во Вашингтон биле изложени на разни мириси додека решавале проблеми со зборови. Поуспешни резултати имале студентите кај кои во воздухот се чувствувал едноставен мирис, отколку кога го "надушкале" мирисот од неколку различни состојки. Интересно е дека резултатите биле лоши и кога во просторијата немало никаков мирис.

Деканот на Универзитетот во Вашинготн, Ерик Спанџберг, вели дека мозокот полесно прима едноставни мириси и дека затоа луѓето полесно се концентрираат во работата или во шопингот.

А дали знаевте дека мурдите посредници во продажба на недвижнини често печат колачи во куќите и становите кои настојуваат да ги продадат?