Се прашувате зошто во последно време вашиот сон е неквалитетен? Лошите навики кои несвесно ги применуваме можат да бидат причина за тоа. Освен што следниот ден ќе бидете исцрпени, ова влијае и на вашиот физички изглед, затоа видете што треба да промените...

Никогаш не легнувате во исто време
Потрудете се да имате вообичаена рутина, затоа што телото реагира на рутината. Ако времето за вашиот одмор е наизменично - некогаш во 23 некогаш во 1ч, вашиот мозок ќе биде многу збунет.

Проверувате Фејсбук
Светлото од компјутерот го стимулира мозокот. Затоа, тешко е да престанете со размислување дури и кога ќе се одјавите. Избегнувајте касно сурфање на интернет и исклучете го компјутерот. Времето за опуштање пред спиење на треба да биде загадено со електрика.

Неудобен кревет
За добар душек потребно е да издвоите многу пари, но пристоен душек ќе ја одработи својата работа и ќе ви пружа мирен сон. Истото важи и за квалитетната постелнина и перница. Одлучете се за помека перница доколку сакате да спиете на грб или стомак. Тврдата перница е адекватна за лицата кои преферираат спиење на страна.

Ве иритира дигиталниот часовник
Одблесокот на црвените дигитални броеви на алармот може да ве одвлекува од цврстиот сон. Целта е што повеќе да ја замрачите собата. Ставете книга преку дисплејот или земете во предвид купување на мал рачен часовник. Алармот на мобилниот телефон е секогаш добар избор.

Броите овци
Кога не можете да заспиете немојте да останете во кревет подолго од 30 минути. Станете, читајте книга или гледајте телевизија. Работата која бара маргинална мозочна активност на вистински начин ќе го заспие вашиот ум. Пред да забележите, веќе ќе се најдете во сладок сон.

Вежбате до касно
Дневното вежбање ќе ве направи активни во наредните неколку часа. Поради тоа не е добро да вежбате три часа пред спиење. Интензивната психичка активност ја зголемува температурата на телото и го зголемува нивото на енергијата прекинувајќи го мирниот процес кој ве води во сон.