Една разведена жена од Саудиска Арабија во потрага по "нов избраник на своето срце", се одлучила на еден навистина необичен чекор. 33-годишната жена на мажот кој е подготвен да стане нејзин сопруг ќе му плати дури 1.3 милиони долари...

За да го пронајде идеалниот сопруг, анонимната богаташка објавила оглас во еден весник. затоа што три години по завршувањето на традиционално склопениот брак, повторно е подготвена за нова врска. Но, тоа ќе го направи само под услови кои строго ги напишала во т.н. "mysar" договор и на кои идниот сопруг без приговор треба да се согласи. Договорот на идниот партнер не го обврзува на заеднички соживот, туку само на редовни сексуални односи.

"Од првиот сопргу се разведов бидејќи не беше подготвен да ги извршува своите брачни обврски и затоа што се ожени со мене само за пари. Сега сум повнимателна и барам некој кој не го интересираат моите финансии. Потрагата за идеален партнер стана моја опсесија и нема да застанам додека не го пронајдам", рекла жената на која заинтересираните можат да и се јават преку списанието Sayidaty.