Декември е полн со празници, а низ главите на повеќето припаднички на понежниот пол веќе се вртат сложени шеми за облека, шминка и фризура за празничната ноќ. Особено важен, се разбира, е предизвикувачкиот изглед за Нова година...

Се чини дека 72% од жените признаваат дека кога ќe купат нешто ново, го облекуваат само еднаш. 1/3 од испитаниците сметаат дека е подобро да не одат на божиќната забава, ако немаат нешто ново во гардеробата.

Главната причина се социјалните мрежи и мислењето на жените дека е "недозволиво" да бидат видени на фотографии на Фејсбук со ист фустан на две различни празнични прослави. 40% од жените велат дека колку повеќе "like" соберат за фустанот на мрежата, толку поголемо е новогодишното расположение.


Има и девојки кои не можат да си дозволат нов фустан за секое собирање на пријатели или роднини, но секогаш избираат различни додатоци за да ја избегнат непријатна ситуација.

Според експерти виновно е влијанието на интернет врз младите девојки кои сакаат да изгледаат исто како познатите личности на црвениот тепих. Експертите советуваат подобро да ја нагласите својата индивидуалност и вкус, отколку да ги следите најновите трендови.