Верувале или не, но археолозите од Северна Кореја тврдат дека пронашле „гнездо на еднорози“, познати митолошки животни, покрај еден древен храм во Пјонгјанг.

Институтот за историја на Академијата за социјални науки во Северна Кореја сооптил дека откриеното „гнездо“, пред се укажува на тоа дека Пјонгјанг бил центар на древната обединета Кореја, а во извештајот кој го пренеле речиси сите светски медиуми стои дека „гнездото“ му пипаѓало на кралот Тонгмјонг, основач на древното корејско кралство Когурјо.

„Пред ‘гнездото’ стои правоаголен камен со натписот ‘Гнездо на еднорози’. Се верува дека врежаните зборови потекнуваат од периодот на кралството Корјо. Откритието на ‘гнездото еднорози’ е поврзано со легендата за кралот Тонгмјонг, докажува дека Пјонгјанг бил престолнина на древна Кореја како и на кралството Когурјо, а храмот служел како палата за кралот Тонгмјонг.“

Директорот на иститутот Јо Хуи Сунг вели дека ова откритие го докажува познати факти за историјата на Северна Кореја. „Во историски книги за Кореја на неколку пати се споменуваат еднорози и нивното ‘гнездо’. Кралот Тонгмјонг јавал еднорози.“

Меѓутоа, археолозите уште немаат откриено фосилни остатоци.