Рокерот Чарли Симпсон постави Гинисов рекорд - го одржа „најладниот концерт“.

Поранешниот фронтмен на бендовите Fightstar и Busted отпатува со својот тричлен бенд во селото Ојмјакон во Сибир, кое важи за едно од најладните населени места во светот.

Симпсон свиреше и пееше цели 15 минути надвор, а го слушаа само неколку љубопитни жители кои се затекнале на улицата на страшните минус 30 степени.

„Беше тешко, навистина тешко. Свирав гитара и во еден момент сакав да заплачам, затоа што прстите ме болеа неверојатно“, рече Симпсон.

Претставниците на Гинисовата книга на рекорди потврдија дека тој е рекордер во одржување на „најладниот концерт“.