По одличните видео најави и критиките на првите играчи, ова и уште неколку прилично изненадувачки работи ги најави бренд директорот преку Twitter.

Подмладена и огнена, желна за докажување и успех, е таква би требало да се врати Лара Крофт во најновата игра, која за PC и конзули ќе се појави во почетокот на март наредната година. Сепак, некои од, до сега сосема вообичаени работи за Лара, нема да имаме шанса да ги видиме (играме) во новиот Tomb Raider.

Дали можете да поверувате во фактот дека таа не знае да плива? Дали и вам ви е необично што Лара има самообновлива енергија? Дали ве нервира тоа што Лара е целата излигавена, кенкава и слаба?

Сепак, велат да не се грижиме. Велат дека сето тоа е процес за градење на Лара Крофт во она што таа станала подоцна - без страв, храбра и непоколеблива. Новиот Tomb Raider ги заинтересира на голем број играчи, а оние кои имаа шанса да изгираат некои од првите нивоа на воведното поглавје имаа само зборови на пофалба за новиот наслов во серијалот.

Tomb Raider, првично наречен Survivor е исчекор од досегашниот серијал и ќе биде мешавина од неколку жанрови на игри, со одлични звучни и визуелни ефекти, силна приказна и заплет.

Во настојување што подобро да ја промовира играта, бренд директорот на Crystal Dynamics, Крал Стјуарт, одговори на неколку прашања од фановите на оваа игра, и тоа преку Twitter профилот на Tomb Raider, па сето погоре споменато доби и официјална потврда. Најважно од се е тоа што новата игра ќе трае околу 15 часа интензивно играње, што е сосема коректна должина на компанијата.

Значи, подгответе се да ја научите Лара да плива - сега ни е јасно зошто се давеше во најавниот трејлер на играта...