Потрошувачката на вино во Франција опаднала до нови најниски вредности - возрасните жители во таа земја во просек пијат едвај по една чаша вино дневно.

Овие податоци доаѓаат од најновата студија за потрошувачката на виното, која француското министерство за земјоделство го нарачува секои пет години.

Газираните пијалоци и сокови постепено го потиснуваат виното од француските трпези, па така традиционалниот национален пијалок денеска секојдневно го пијат само 17% од Французите, спрема 21% од пред пет години.

Причина за намалувањето на потрошувачката на вино се како препораките на здравствените професоналци, така и економската криза, но донекаде и промената на вкусот, истакнуваат професионалците.

Во последните пет години, меѓутоа, е зголемен процентот на Французи кои повремено (еднаш до два пати неделно) уживаат во чаша вино - од 41% на 45%.

Намалувањето на потрошувачката на вино е долгорочен тренд во Франција. Таа од 160 литри годишно во 1965 година, колку што просечно пиел секој возрасен Французин, паднала на 57 литри во 2010.

Додека во 1980 година виното во Франција се служело со секој втор оброк, денеска се служи при секој четврт.