Дали сте фанатик за слатки? Имате чоколадни соништа и не можете да си замислите ниту еден ден без нешто благо? Страницата organicauthority.doc открива зошто е тоа така и кои се четирите најчести причини зошто не можеме да му одолееме на благото...

1.Шеќерот е дрога
Баш како кофеинот, никотинот и алкохолот за кои знаме дека ни штетат, а сепак си дозволуваме да ги конзумираме, и шеќерот функционира на истиот принцип. Оличен е за моментално подигање на допаминот и предизвикува чувство на среќа. Шеќерот како и тешките дроги полека создава зависност од која не е лесно да се ослободите. Полека намалете ја количината на шеќер и за секоја мала победа наградете се - секако не со слатки.

2.Не внесувате доволно протеини во вашата исхрана
На телото му е потребно гориво за да преживее, а надобар начина на подигање на нивото на енергија е внесот на доволна количина на протеини. Ако организмот не добива доволно протеини почнува да ја губи енергијата. Шеќерот е брза замена за протеинот и овозможува моментално кревање на нивото на енегрија. Почнете да јадете доволно протеини и ќе забележите дека вашата желба за слатки полека ќе се намали.

3.Ги изгубивте силата и волјата
Цел ден сте биле добри, за ручек јадевте здраво, за меѓуоброк избравте овошје. Ги избегнувавте слатките и газираните пијалоци. Но, навечер по долгиот и напорен ден дојдовте дома изморени и се што сакате е нешто слатко. Пробајте да се спротивставите и наградете се за целодневната истрајност со забавен филм или прошетка со подобрата половина.

4.Благото ве потсетува на среќните денови
Кога бевме деца, слатките ги поврзувавме со награда за тоа што сме биле добри или сме направиле нешто како што треба. Слатките се појавуваа на весели случувања како реодендени и годишни одмори. Не е ни чудо што тој вкус не враќа во среќните и безгрижни денови. Сепак, сега кога сме возрасни мора да научиме да се справиме со тие желби. Нема ништо лошо во тоа да се задоволите од време на време со некој сладок залак, но претерувањето со слатките од емоционална причина не е решение.

Дозволете си еднаш неделно некое слатко  уживање по сопствен избор, но трудете се да за се задржите само на тоа.