Една кокошка во североисточна Англија го снесе најмалото јајце на светот. Со маса од 5 грама, висина од едвај 2,5 и ширина од околу 2 сантиметри, го прави помало од моменталното јајце рекордер во Гинисовата книга...

Паул Реи (52) од Humshaugh на североисточна Англија тврди дека една од неговите кокошки го снесе досега најмалото кокошкино јајце на светот. Кога Паул го видел јајцето го ставил во џеб и отишол да се пофали на пријателите во локалниот клуб. Тие го советувале да се јави на некој во Гинисовата книга на рекорди, во која моментално рекордер стои јајце со маса од 7,3 грама.

Паул инаку порано бил кувар на нафтените платформи, но во текот на изминативе неколку години, со својата сопруга се доселиле во ова живописно место во Англија, каде одгледуваат домашни животни и издаваат соби за туристи на нивната фарма.

За своите кокошки вели дека се сосема нормални и дека до сега неселе вообичаени јајца.