Двајца средовечни браќа кои порано имале семејство и постојана работа, биле принудени да се вратат во домот на своите родители, откако им била дијагностицирана ретка болест "Бенџамин Батон" од која стареат наназад...

Домот на Тони и Кристин Кларк во Велика Британија изгледа како да одгледуваат две хиперактивни 7-годишна деца. Мини воз и делови од "Монопол" се расфрлани по масите и на ТВ се гледа цртан филм.

Сепак, синовите на семејството Кларк се возрасни мажи кои се на ниво на развој на мали момчиња. Како ликот на Бред Пит во "Необичниот случај на Бенџамин Батон", Метју (39) и Мајкл (42) стареат наназад.

Пациентите заболеле од терминален облик на леукодистрофија, многу ретка генетска болест која ја напаѓа белата маса на нервниот систем, 'рбетниот мозок и мозокот.

Во случајот на браќата Кларк, болеста не им наштети само на нивните физички способности, туку и на емоционалната и ментална состојба.

Пред болеста, браќата имале нормален живот и имале семејства. Мајкл изработувал мебел а Матеј работел во фабрика и одгледувал ќерка тинејџерка. Тони и Кристина отишле во пензија и се преселиле во Шпанија.

"Тие нема да станат сладки мали момчиња", вели Кристина, "тие се деца во телата на возрасни мажи, што е сосема друго ниво на проблем."