Маж од Белгија бара поништување на бракот кој траел 19 години, откако открил дека неговата сопруга од Индонезија е родена како маж...

Јан и Моника се венчале во 1993 година, а тој пред само неколку недели дознал дека неговата сопруга некогаш била машко кој го променил полот.

Овој 64-годишен маж и неговата сопруга одлучиле да немаат деца бидејќи тој веќе има две од првиот брак, а Моника секој месец го лажела дека има менструација, употребувајќи влошки за да ја "сокрие вистината". "Ниту за време на сексот не забележав ништо", рекол Јан.

Со години живееле мирен живот се додека Моника (48) не добила нова работа. "Почна да се менува. Мојот постар син понекогаш ја среќаваше во клубови. Почна да носи провокативна облека, кратки сукни и маици", раскажал вознемирениот сопруг.

"Еден пријател ми кажа дека слушнал оти Моника е маж кој си го променил полот. Не можев да верувам. Мојот син слушнал слични гласини. Потоа ја притиснав на ѕид и ја принудив да ми ја каже вистината. Ја прашав дали е маж а таа ми кажа дека била на операција. Кога ме запознала веќе била жена и затоа немало потреба да го сподели тој детал од минатото со мене. Светот ми се сруши. Полудев. И тогаш дојде полиција", раскажал Јан.

Јан моментално е на лекување по шокот кој го претрпел, а го прекинал и судскиот процес во кој бара поништување на бракот. Белгиските власти засега не му дозволуваат Моника да ја исфрли од куќата.