Добивање СМС порака која на пушачите ги охрабрува да се откажат од тутунот, е многу делотворна здравствена програма во борба против зависноста, утврдиле истраживачи од Нов Зеланд...

Научниците од универзитетот во Окланд дошле до заклучок правејќи анализа на резултатите од пет истражувања во кои учествувале 9000 кандидати за одвикнување од пушењето од различни возрасти кои биле пријавени за програмата наменета за тоа одвикнување преку мобилен телефон.

Учесниците секојдневно добивале текстуални пораки и видео содржини со совети и порака на охрабрување за да им се помогне во откажувањето од цигарите.

Лицата кои учествувале во програмата преку мобилен имале во просек два пати повеќе шанси да ја прекинат зависноста по шест месеци следење на програмата.