Положбата во која спиеме, тврдат психијатрите, ја бираме по тоа која ни е најудобна, но додаваат професионалците за говорот на телото, и според нашиот карактер. Имено, откриено е дека омилената положба во која најчесто спиеме е поврзана со некои црти на личноста и дека може да кажат по нешто за нашиот карактер. Дознајте што шесте највообичаени положби во кои спиеме зборуваат за нас.

Положба на фетус

Вие сте борец. Однадвор изгледате силни, но одвнатре сте многу чувствителни. Знаете да бидете прилично срамежливи кога прв пат ќе запознаете некој.

На страна, со рацете покрај телото

Вие сте опуштена, релаксирана и друштвена личност, но понекогаш и многу лесноверна.

На страна со рацете пред себе

Ако сонувате најчесто во оваа позиција тоа значи дека сте слободноумна, но и сомничава личност.

На грб со рацете доле

Во оваа позиција сакаат да спијат тивки и резервирани луѓе кои поставуваат високи стандарди како за себе, така и за другите.

На стомак со рацете околу перницата и главата свртена на страна

Оваа позиција открива многу друштвена и помалку дрска личност која ги критикува останатите, но не поднесува кога неа ја критикуваат.

На грб со рацете околу перницата

Вие сте добар пријател, затоа што секогаш сте подготвени да сослушате и да помогнете. Не сакате да бидете во центарот на вниманието.