Романтика, вечера, свеќи, па кавга, апсење.

Двајца Американци отишле на состанок во надеж дека можеби ќе пронајдат љубов. Џилијен Мартон (35) и Ефрен Молина (39) се нашле во еден ресторан во Флорида. Вечерата поминала убаво, па отишле кај него.

Пред домаќинот да успее да и наточи вино или да и понуди на дамата да се раскомоти, успеале да се скарат.

Џилијен инсистирала да одреди дали таа сега официјално е негова девојка или не, и кавгата се развила.

Соседите повикале полиција, а полицајците ја затекнале расплачаната Мартон, пребледнатиот Молина, скршен прозорец и расфрлани работи по дома.

Во полицајскиот извештај се наведува дека Мартон побеснела кога не успеале да се договорат околу „љубовниот статус“, почнала да крши по куќата, го скршила прозорецот со камен, а потоа го удрила Молина.

Таа е исплашена и ќе биде обвинета за напад и уништување на имот.