Гласот на мајката може да има ист ефект како и прегратката, покажа едно истражување.

Ново истражување покажало дека телефонски повик од мајката упатен на детето делува како и прегратката. Истражувањето, објавено во зборникот за професионални медицински трудоив Proceedings of the Royal Society, покажало дека за време на разговорот со мајката се ослободува хормон кој го олеснува стресот.

Американските научници ставиле 60 девојки во стресни ситуации и проучувале како нивните хормони се однесуваат ако им се јави или ги прегрне мајка им.

Тие откриле дека гласот на мајката поттикнувал лачење на еднаква количина на окситоцин, хормон кој помага во носењето со стресни ситуации, како и мајчината прегратка.

Водачот на оваа истражување, д-р Лесли Селцер од американскиот Универзитет Висконсин-Мадисон кажал дека тимот мислел дека ослободувањето на окситоцин во контекст на социјални интеракции обично бара физички контакт но, додал тој на основа на резултатите на истражувањето, станало јасно дека гласот на мајката може да има ист ефект како и прегратката.

Сет Полак, професор по психологија и водач на лабораторијата која се занимава со истражувањето на емоциите на децата истакнал дека ефектите биле долготрајни додавајќи дека ефектот на гласот или прегратката на мајката кај децата бил присутен и по завршувањето на експериментот.