На само 60 километри од Берлин се наоѓа вештачкото  тропско одмаралиште "Tropical Islands", дом на најголемата тропска шума во Европа, комплетно тропско село со автентични куќи, продавници и ресторани, плажи со бел песок и лагуна, како и тропско море...

"Tropical Islands" е вештачко тропско одмаралиште. Овој огромен простор личи на огромен авио-хангар, составен од делови. Зафаќа површина од 66.000 квадратни метри.  Во изградбата  на оваа одморалиште потрошени се неверојатни 14.000 тона челик, колку што е потребно за изградба на осум фудбалски стадиони.

Со своите 5,5 милиони метри кубни, тоа е една од најголемите градби на земја по обем, и најголема хала без држачки столбови. Во внатрешноста на оваа градба се наоѓа и наголемата светска затворена "мини прашума" со 30.000 растителни видови.

Гостите може да уживаат во 200 метри долгата плажа, да пливаат во вештачко море, а сето тоа на пријатни 26 степени Целзиусови во текот на целата година. Мини тропското море е обложено со песочна плажа и е прошарано со вештачки острови на кои се наоѓаат живописни колиби.

Комплексот е отворен 365 дена во годината, 24 часа дневно. Покрај наведеното има и базен кој може да прими и до 80.000 посетители, како и тобоган, терен за мини голф, ресторани во кои се служи германска храна, барови и др.