Со помош на имагинативните приказни и "белите" лаги, родителите полесно ги хранат децата, им помагаат околу домашните работи и ги охрабруваат за одење на лекар, тврдат стручњаците...

Неодамна спроведеното истражување на примерок од 2000 родители, тврди дека мајките почесто се служат со измислени ликови и приказни за децата да ги натераат на одредено однесување, додека татковците тоа го прават поретко.

Секоја мајка во просек има повеќе од девет сценарија за излегување на крај со (не)возможните родителски ситуации, а татковците најчесто имаат четири до пет подготвени приказни кои им помагаат да се изборат со децата.

Околу 90% од родителите се служат со овој метод. Најчесто храната добива човечки особини, а често помага детето да стане супер херој или принцеза. Освен тоа, родителите со задоволство го користат стариот добар трик - митовите за вилите и Дедо Мраз, за децата да бидат послушни.

Белите лаги помагаат што побргу да се напише домашното или да се среди собата - родителите без проблем сценираат телефонски повик од учителката или чичко полицаец.