Ако сакате да им дадете посебен сјај на овогодинешните божиќни празници, една продавница за накит во Токио ја има вистинската работа за вас - елка од чисто злато украсена со "магија", односно со јунаците од Дизни...

Елката е направена од 40 килограми чисто злато. Висока околу 2,4 метри и има 1,2 метра во дијаметар. Покрај лентите од златни листови кои висат, урасена е и со златни силуети на 50-те најпопуларни јунаци од Дизни. Раскошната елка, на која изработка се потрошени цели два месеци и која ја правеле 10 мајстори, изнесува 350 милиони јени, односно 4,2 милиони долари.

"Тоа е добра инвестиција, имајќи во предвид дека моментално златото достигнува цена од 4.400 јени за грам", изјавил Томоко Ишибаши, представник на маркетинг службата на продавницата за накит "Tanaka".

На муштериите со поплитки џебови, продавницата им нуди помала врезија од луксузната елка, висока 25 сантиметри и со 12 Дизни фигури, по цена од 2 милиони јени односно 240.000 долари.

"Сеуште никој не понудил пари за големата елка, но затоа за помалите веќе се најдоа купувачи", додал Ишибаши.