Насмевка и комплимент во вистински момент ќе направат повеќе од сите муртења и оговарања по ходниците. Малку ласкање и покажување на добра волја се попаметна стратегија за придобивање на таква личност.

Ако имате проблем со колешката на работа која е непријатна кон вас, а при тоа ви е и директна конкуренција, наместо да ја искористите секоја шанса да ја „боцнете“ - ласкајте и.

Можеби оваа тактика ви делува како опасна манипулација, но ако не претерате се ќе биде во ред. Комплименти делете и само ако тоа навистина го мислите. Ако ви се допаѓа некоја нејзина нова фризура или облекла фустан кој убаво и стои - кажете и го тоа, со пријателска насмевка, се разбира.

Користењето на техниката флерт која обично е резервирана за машко-женски односи може значително да ви го подобри односот со проблематичната колешка. „Ако вообичаените обрасци на флертување малку ги прилагодите на ситуацијата и ги примените на жени, ќе владеете со одличен социјален ‘алат’“, вели д-р Санди Ман, професор по психологија на Универзитетот во Ланкашир.

Ако убаво се однесувате кон „противничката“, и покажувате дека всушност нема причина вас да ве доживува како закана и и давате шанса и она да почне да се однесува нормално кон вас. Ако вашата тактика „насмевка, убав збор и пријателски допир“ даде очекувани резултати, атмосферата на работа значително ќе се поправи, а вие ќе имате една грижа помалку.