Огромен изделкан камен од Маите од 669 година, откриен на почетокот на 20 век во Мексико, е основа на митот за наводното пророштво за крај на светот во декември 2012 година. Всушност сепак на камената плоча се опишани животот и битките на владетел а датумот 23 декември 2012 година е спомнат како почеток на нов циклус во календарот на Маите...

Маите имале цикличен концепт за времето, изјави мексиканскиот археолог Хозе Ромеро по повод плочата, инспирирација за  катастрофалниот филм "2012", снимен во 2009 година од страна на Роланд Емерих, и книгата "Пророштвото на Маите" од американскиот писател Стив Олтен.

Составена од 6 фрагменти, од кои некои се во Мексико, а други во САД, плочата е исто така позната и како Монумент 6 од Ел Тортугеро - археолошкиот локалитет Мукуспана во мексиканската држава Табаско. Првите истражувања на објектот се извршени во 1915 година.

Плочата имала форма на буквата "Т", но денес е на делови. "Последниот натпис одговара на 23 декември, но централната тема на Монумент 6 не е ниту датумот ниту пророштвото за крај на светот, тврди Ромеро. Ова е приказна за Балам Ахау, светиот владетел од Ел Тортугеро."

Мексиканскиот историчар Ерик Веласкез истакна дека датумот 23 декември, кој е испишана на каменот, а не споменуваниот за комерцијални цели датум 21 декември, е поврзана со ритуал за обновување на универзумот, со крајот на циклусот кој почнал на 13 август 3114 година пред Исус.

"Се споменува само дека тогаш ќе се наполнат 13 единици време, од кои секоја е еквивалентна на 144 000 денови, но тоа во никој случај не е поврзано со крај на календарот на Маите, кој е бескраен. Едноставно почнува нов циклус", појасни научникот.