Во Кина е планирана градба на највисоката зграда во светот - 838 метри, и тоа само за 90 дена. Таа треба да биде готова до крајот на март, пишува весникот "Гизмодо"...
Облакодерoт во градот Changsha ќе го носи името "Небесен град." Секој ден ќе бидат кревани за пет ката од него. Проектот е развиен од страна на некои од инженерите кои учествувале во градбата на Burj Khalifa, во Дубаи, која во моментов е највисоката зграда во светот со своите 828 метри. Главна улога во изградбата ќе има и компанијата Broad Sustainable Building, која изгради 30 катен хотел за само 15 дена.
Околу 220 000 тона челик ќе бидат "проголтнати" од "Небесниот град". Кога ќе биде завршена, оваа гигантска зграда ќе може да смести истовремено во себе 31 400 лица. 83% од зградата ќе биде станбен дел, а во останатите ќе се сместени канцеларии, училишта, болници, продавници и ресторани.
Вкупно 104 лифтови со неверојатна брзина ќе се грижат за беспрекорен транспорт на луѓето во облакодерот. Кинескиот облакодер е дизајниран да издржи земјотреси од 9 степени според Рихтеровата скала.
