Пред 4 дена објавена е вест дека во Индонезија се родило дете долго 62 центиметри и тешко 8.7 килограми, што е за 2 пати поголема тежина од нормалната. Сега се појави и видео снимка од малку необичното новороденче. Бебето е родено во понеделникот во државната болница во Kisaran со царски рез, но поради својата големина, прилично се намачиле и 41-годишната мајка Ана и докторите.

"Тоа е навистина посебво бебе. Има огромен апетит, речиси секоја минута бара да јаде. Дури и плаче поинаку од останатите и многу е гласен", рекол гинекологот Binsar Sitanggang. Мајката Ана, која веќе има 3 деца во бракот со локален рибар за време на бременоста не доаѓала на прегледи, а боледувала од дијабетис, со што се зголемува ризикот од раѓањето на поголеми бебиња.