Жените се лутат кога мажите ги нарекуваат озборувачки и кога се шегуват на нивна сметка. Што ако една пријателка признае сочна тајна, колку сме спремни навистина да ја чуваме? Студиите се катастрофални и сугерираат дека жените не се вистинскиот материјал за откривање тајна, бидејќи за точно 47 часа и 15 минути може да ја прошири. Така некоја наша слатка болка ќе стане тема на разговор на уште некои несакани поединци.

Истражувањето е направено на три илјади британки на возраст помеѓу 18 и 67 години. Дури четири од десет жени признаа дека не можат да чуват тајна без разлика колку е лична или доверлива. Алкохол е оној кој игра посебна улога во откривање на тајна, тоа беше потврдено од половина од испитаните жени.

Штом некој ни каже тајна, во тој момент се чувствуваме посебно, а потоа ентузијазмот се смирува, па информацијата ја поделуваме со некого. Тогаш се затвара кругот и официјално станувате озборувачка.

Понекогаш луѓето се чувствуваат виновни затоа што ја знаат тајната. Ако некој тајната почнува да ја открива со зборовите "немој на никого да кажеш", тогаш бидете сигурни дека тајната не е поделена само со вас. Жените кои слушнале или дознале тајна, ја делат со сопрузите, дечковците, најдобрите пријателки, и се чини дека ништо неможе да ги спречи во тоа.

Охрабрувачки е податокот дека дури 27% од испитаниците признале дека веќе следниот ден забораваат на трачот кои го чуле. Следниот пат кога ќе почувствувате потреба да поделите нечија тајна со друг, размислете како вие би се чувстувале кога вашата тајна набрзо би се поделила на некој непознат.