Мајката е под истрага бидејќи на малолетниот син за роденден му довела стриптизерки...

Една мајка од Саут Глен Фолс организирала забава изненадување за 16-тиот роденден на својот син. Ја изнајмила локалната куглана, организирала кетеринг и торта, и повикала повеќе од 70 гости, воглавно негови пријатели од училиште на возраст од 14 до 16 години.

Се слушало музика, се куглало, се јадело торта, а тогаш се појавиле стриптизерките и почнале да ги забавуваат гостите.

Родителите кои дошле да си ги земат децата, едвај ги одвлекле од забавата, а некои од нив ја пријавиле мајката во полиција бидејќи ги изложила малолетните на "забава за возрасни".

Полицијата на Саут Глен Фолс потврдила дека го истражува инцидентот и дека против мајката веројатно ќе биде покрената пријава.