Можете да споите нешто корисно и корисно - првите „чекори“ на бебето со чистењето на подовите.

„Беби-крпата“ е производ за мајки и бебиња, чини 25 долари и ако немате проблем со тоа вашето бебе да биде и ваша домашна помошничка, можете да му ја облечете „работната униформа“.

Додека бебето лази, го чисти паркетот благодарение на костимчето кое потсеќа на крпа за бришење прашина.

Во објаснувањето на сајтот BetterThanPants.com пишува дека овој изум ви помага бебето уште од мали нозе да почнете да го учите на работна дисциплина и етика. Како уште една од причините зошто ви треба беби-крпа се наведува и дека вашето бебе додека ги брише подовите, ќе го согори вишокот енергија и правилно ќе ја развива мускулатурата.

За неполни месец дена, како што стои во понудата на овој сајт, беби-крпата е продадена во повеќе од сто примероци.

На сајтот во коментарите за производот се забележува дека искуствата на купувачите на овој чуден изум се многу позитивни, но произведувачите сепак добиваат и бројни критики од страна на луѓето кои сметаат дека идејата за производот е ненормална.

Идејата всушност се родила во Јапонија, каде што е пласирана на натпревар за најсмешен изум. Сепак, самиот производ никогаш не бил направен. Тоа американците го сметале за голема грешка која одлучиле да ја поправат.

Велат - „заштедува пари и време, пред се!“