Нанесувањето на дезодоранс е рутинска постапка која ја правиме секојдневно, но неретко се случува да: а) биде неефикасен и б) остава траги на облеката...

Но, досетливи производители и на тој проблем му ставија крај, или барем така тврдат. Имено, измислиле јадечки дезодоранс кој ќе ни овозможи да мирисаме свежо во текот на цели шест часа. Во случај да функционира, овој производ би бил идеален за жените бидејќи сигурно ниту една од нив нема да заборави да се заблажи со бомбон наутро.

Освен тоа, во случај некој да ви мириса непријатно, не мора да се трудите да мислите како да му го кажете тоа, туку едноставно дајте му бомбонче.

На официјалната страница на компанијата стои дека овој производ е дело на долгогодишни истражувања на јапонски научници кои утврдиле дека, по конзумирањето на ружиното масло, телото лачи супстанца наречена гераниол - која овозможува шест часа да мирисаме на ружи.