Пред 13 години, фотографката Мијоко Ихара, почнала со својот фотоапарат да бележи едно големо пријателство кое трае и денес. Ихара ја фотографирала својата 88-годишна баба Мису и нејзината мачка Фукумару...

Фотографиите од бабата и нејзината мачка станале вистински хит во САД. Се започнало во 2003 година, кога мачето бездомник се вдомило во шталата на Мису. Бабата на белото маче му дала име Фукумару, што на јапонски значи "голема среќа".

"Имаат многу сличности. И двете се спори и имаат проблеми со слухот, а најмногу сакаат да одмораат во лежечка позиција", се пошегувала Мијоко, внуката на Мису, при што нагласила дека се восхитува на начинот на кој нејзината баба го доживува светот околу себе, за што верува, дека делумно е заслужна Фукумару.

"Фукумару е пресреќна во друштво на мојата баба. Кога ги фотографирам заедно, се чувствувам како повторно да сум запловила во детството", нагласила Мијоко.